入廠

昨天清晨兩点..從睡夢中被電話吵醒..原來老豆大人來電急call我送佢入廠..雖然半夜三更真係好驚電話響..但兩父子邊有得計! 去到醫院等候期間..偶然見到另一邊又有一對父子..相信都係嚟睇急症的..心情忽然覺得有點共鳴..原來自己並不那麼孤單的..真係有點傻..大家都帶著口罩..但四目交投..可能大家都覺得有些盡在不言中的感覺..為人子女者..除了互相照應之外..相處相知都是一種緣份..希望老豆大人同人哋個老豆都早日康復..身體健康..

飛機

近幾天工作情緒有點不穩..其實踏入七月後應該輕鬆咗d..但很多鎖鎖碎碎的加起來..像沒完沒了似的..人就變得煩躁不定..啱啱個星期五又要入機場做嘢..本來都有d忟..但都盡量令自己冷靜下來..同自己講..都係搵食啫..除咗控制自己情緒..亦應該體諒一下其他人嘅處境..亦因工作關係..可以深入機場禁區重地嘅停機坪..近距離咁欣賞吓d飛機..咁難得當然即場幫佢地影番幾幅沙龍啦! 咁都算係一種額外收穫..心情嘅好與壞..同一件事同一個遭遇..或者真係換個角度諗一諗..就會有另一番景象吧!

沙龍

留住 溫度 速度 溫柔和憤怒 凝住 今日 怎樣 好 捉緊 生命濃度 坦白流露 感情和態度 留下 浮光 掠影 飛舞 ___________________________________________________ 呢段歌詞頗能描寫到攝影當中的樂趣..有時在其他網頁或blog見到人家d 相影得好靚好清..亦挑起我去影相嘅心癮..近日陪同事去買相機..自己亦心思思買咗部Canon Power Shot..初時都嫌佢少少厚..但攞上手望真吓又覺得幾好幾靚..有少少function可以俾我玩吓..個外型stylish得嚟又帶幾分classic..希望花時間鑽研一下..影番d似樣嘅沙龍

The Thriller

昨晚在電視上一個特輯..看到訪問一些MJ的fans..有個不太懂英文的媽咪..卻偏偏愛上聽MJ的歌..甚至會向兒子查詢歌詞的意思..對於一個唔係太識英文嘅人..她都會花時間去了解歌曲意思..而她亦覺得聽MJ的歌會令她感到莫名嘅開心興奮..令佢覺得有番力量..真令我不禁讚服.. 另一個受訪嘅係跳舞導師..他亦表示若不是受MJ影響薰陶..他才不會愛上跳舞..他從不理會外界對偶像整容及醜聞報導..衹會專心去追求偶像在自己身上所啟發的夢想大道..他亦坦承MJ嘅離開令他感到迷失方向..言語間更流下傷心難過的男兒淚.. 睇完兩個fans訪問..我才開始真正體會到何謂用生命去影響生命 ! MJ更以音樂和舞蹈去感染生命..觸動靈魂..王者之風..實在令各方fans肅然起敬.. To MJ, the everlasting thriller!

The King Of Pop

剛剛一星期前還在聽着他的歌..甚至星期四晚還翻看他的MV..想不到星期五早上就 收到Michael Jackson離去的消息..除了感到可惜..總覺得人生匆匆..他紅又紅過..威 又威過..歎又歎過..這五十年時間..算是不枉此生了

種子之『謎』

公司班同事突然愛上種小盆栽..我亦借來幾粒喳喳種子返屋企趁吓熱鬧..其實都是細個讀書時的小玩意..放幾粒豆响花盆中等佢哋慢慢出芽..都幾過癮..尤其見到每日都高咗d..個人心情都會開心d..睇吓.....

超級星期五

難得有個星期五可以放一日假..很輕鬆的响 PP 逛了一個下午..近年已很少行這個場..偶爾見到幾個在商場表演的女子..難得有幾個都彈豎琴的..其中一個長長頭髮..加埋條白色長裙..重有輕柔的手勢..都有少少仙女 feel..場中無論男男女女都齊齊舉機拍攝..星期五聽住悠悠的琴聲..真係難得..之後再行書店..唱片舖..又嘆下Starbucks..

再去ELEMENTS睇嗰套極速緋聞..三個主角都可愛又抵死..個故事亦係近年難得一遇嘅笑中有淚嗰種..d韓國人都幾有計..明明係一個又現實又頭痕嘅故事..都可以拍得很攪笑..令人想到..就算現實生活中真係有幾大鑊嘅事..都應該盡量以輕鬆平常的心情去面對..個故仔都算完整..車太鉉又演得很妙..特別係佢同個細路玩紙牌嗰幕..套片重有很多爆笑位..絕對值得推介!

超級星期五希望可以待續...!