時代曲

已經休息了一段時間..有時人生真係當一度門好似關上..又會有另一度打開..早兩年心態上好似好準備好settle..自覺去到一個階段..對人生周圍事物好似少了鬥心..而上年因著家人及健康..也經歷了一些衝擊..令本來以為可以好平靜的心..開始激起了一種積極態度..其中一個得著..是近幾個月重溫了之前鄭俊弘的訪問節目..他的一些故事..令我都有一定程度重新反省..亦令我對做人態度有了一點點正面調整..

其中較深刻有感動的訪問內容節錄: Source: https://www.facebook.com/media/set/?set=oa.10151734484384620&type=1

1. 做嘢唔可以半途而癈，總有出頭天，只要堅持

2. 一定要相信自己

3. 每朝reload 番所發生過嘅事..對每一件發生嘅事grateful

4. 唔諗咁多，要好好enjoy 過程

5. 喜歡自己嘅職業， enjoy自己所做每份工作

6. 失意時莫灰心，得意時莫忘形

6. self doubt唔健康，唔好諗負能量嘅嘢

7. 盡量不要被一些壓力，負面感覺去剝削現時可以enjoy或珍惜的一切, 因為眼前一切唔知可以last幾耐，不要錯過身邊好事

8. 生命的經歷沒有終點，而且一定有起有跌，只要好好享受當中過程，it’s a process, enjoy it and love it.

曾幾何時都真係幾鍾意自己做緊嘅工作..宜家就要好好問自己點去撻番著心中那股工作熱誠和投入感..另外.."堅持"兩個字..相信係我一生都要記住同實踐嘅態度..至於點樣去放低壓力..盡情去enjoy同埋珍惜目前嘅好事..相信更加係每個人面對困難逆境時要保持嘅心理質素..

或者唔同階段..每人心中都有一首屬於自己嘅時代曲..代表咗一些夢想..一份信念..希望我可以堅持到底..

一個生日回響

剛剛過了的生日..很多謝屋企人的一番心思..亦算是上一年一個美好結束..那個晚上講明聖誕party..當然少不了交換禮物..交換完禮物之後仲話再有一個神秘大獎..我全不知情下就被抽中了..很感謝家人為我預備的一份心意..俾我嘅支持..愛護..當中第一次收到黑膠碟禮物..姪女知我開始儲黑膠..就為我挑選了陳百強的發燒碟..而且亦是一首好有意思嘅點題歌..當下真係幾感動..亦特別記載下佢地嘅心思..

而且第二天又一起出發..去了大陸旅行..好難得同家人一起出門玩玩..又可以維繫大家感情..其實每年生日..我從來都不會太在意點樣慶祝..但喱個生日真係好特別窩心..雖然2013年都有D唔開心衝擊..但衹要可以珍惜眼前..同重要的人一齊共度佳節..其實係一生何求!!

Walking in the Winter Wonderland

聖誕節是我由細到大最喜歡的節日..Christmas 好像代表了一個充滿了愛..充滿歡樂..充滿希望..充滿音樂..充滿了奇幻的season..

雖然好細個我已知道無真正的聖誕老人坐著會飛天的鹿車..然而一年才一次的聖誕樹..聖誕裝飾..聖誕party..聖誕禮物..跟家人或好久不見的朋友或特別的人好好連繫..加上下降的氣溫..都使我有種莫名興奮..像投入了一個很有氣氛的winter wonderland..

今年對我好難忘..好多思想..健康..工作..朋友..家人..做人態度..生活中一些正面啟發..加上年尾生日..好希望隨著聖誕節來臨..一切一切事都有個refreshing氣象.. 順便祝大家有個開開心心嘅聖誕節..Merry Christmas !!!

黑膠碟時光機

想起來我跟爸爸都有點相似 ! 老爸以往鍾情古董玉器，記得小時候也跟他去過不少地灘檔尋寶。在他眼中，那些一千幾百的玉石，可以是問天問地攞唔到般珍貴！ 而我也好像遺存了這個特性，我喜歡的是二手唱片！

可能在美國生活了多年，有好多的香港流行曲我是沒有買碟！回港後多了跟朋友唱K，也從K房中回顧咗不少經典作品… 除了是聽歌之外，唱片封面及包裝，也反映了某個年代特色，也是我喜歡儲藏的原因，而且有些歌星可能經已好少再出碟，以致他們舊作更見珍貴。所以有好一段時間，我也喜歡逛二手CD店，由於貨源，當真係有幸尋到寶，又能以相對較平價錢買到的舊版，已經可以好開心(我有時都係好易滿足嘅人)。 雖然屋企並無HiFi播放黑膠碟，但我還是屎忽痕的買入了少數黑膠碟，當年梅姐走咗之後，仲記得無意中在聯合廣場一間舖頭買了三張極具代表性形象嘅黑膠碟，留作紀念，喱三隻碟轉眼都keep咗十年。

時間好快過, 可能今年係佢走咗嘅十週年，早幾日出去深水埗一間賣舊唱片舖頭，又搵番其他舊嘅黑膠想儲番一套當留念。

一時間真有點衝動想買番部黑膠碟HiFi機玩下！ (救命!)

感恩節

香港受外國影響，其實Christmas之外， Halloween可算是越來越被關注的節日。但我覺得另一個好有意義的節日，就是美國每年十一月第四個星期四慶祝的Thanksgiving. 「當你沒法控制到你所遇到的時候，就應該去欣賞你所擁有的。」 尤其近數年社會氣氛緊張，香港人面對的種種問題，除了積聚怨氣，學懂去感恩也是需要的生活態度。 隨著生活磨練，大了總得學習appreciate身邊人和事，開心事固然容易感恩，但能夠為不平坦的人生際遇感恩，更可是終身的學習。

今年好似經歷咗唔少，要感恩的是當中過程同感受，個人的健康，家人的關心，同儕的關懷，遇到的每一位醫生，讀過的每本書，甚至已離開的父親etc.

最要感恩的，是我開始明白到..人生雖無常，但有夢仍要追… 人家或說追夢只是年輕人的尊利，我卻不認同，單看爸爸憑雙手艱辛養育我們五兄弟姊妹，他就是勇敢的追求，他的夢想才的得以完成吧！

墨水筆

最近有blog友提到環保筆，令我諗起其實我好多年來都有用墨水筆習慣。記得小學時學校指定用英雄牌壘墨水筆練英文字，也是第一次接觸墨水筆。

還記得我很小時候，有日爸爸在巴士上執到兩枝墨水筆俾我同四家姐每人分一枝，一直保存到現在。

出嚟做嘢後，返工都會帶枝筆傍下身，好多人會用萬寶龍，但我覺得太貴兼太俗氣，始終鍾意用墨水筆，係一枝好平實嘅PARKER , 雖然換心無原子筆咁方便，但買一樽墨水有排pump都幾抵又唔駛成日買筆，感覺都算幾環保。

我諗真係冇乜人會好似我咁拗口！

星夢傳奇

經過媒體大肆報導..才開始留意這個節目..起初也只當一個歌唱比賽看待..其實睇完咁多集之後..都有好深感受..當站到舞台上時候..看到他們每一位參賽者..開始明白到..這絕非簡簡單單的企上台比賽..不單止努力唱好..當中意義就是鍛鍊自己去放開一切..用心去perform..同埋去感動周圍的人..盡情的享受整個過程..

人生其實都好似..當生活挑戰來臨時..當然無人想失敗..但有時睇得贏輸太重..就好易被壓力弄巧成拙..反而要當一個考驗..同時..盡量去perform自己..盡量去投入..感受..並好好enjoy當中過程..那管衹是短短幾分鐘的時間..

其中鄭俊弘講過..最想做到..就係彈結他..唱歌..同將歡樂帶俾人..相信就是種態度..令他不當節目只是比賽..而是分享生命..感動別人..enjoy music..enjoy life.. 有嘉賓說到..機會衹留給有準備的人..我想..除了技巧知識上..有正確態度..做人做事都會更加鬆容自在..因為你睇到的不單是贏輸結果..你會明白到生命的意義是去經歷..let's enjoy life..