哈利波特之約

足足追咗十年..終於嚟到結局篇..對於我這個哈利迷..可以話係完滿落幕..亦可以算係一種解脫..鬥咗咁多年..哈利仔終於得到勝利..我為電影嘅全球票房亦盡過唔少力.. 可能係最後一撃..電影公司今次宣傳都算落本同花心思..將之前幾集主要場景都搬到嚟香港..Diagon Alley..Platform 9-3/4..Hogwarts Express..就好似今集咁..一次過見番好多舊人物..成個故事都連接咗..

電影上映之時..Times Square一帶就多咗好多你同我咁嘅muggles.展覽場地更有不同紀念品..我又點能「袖手旁觀」!?

懷舊香港情

之前電視介紹..專程去到太古城..看一個懷舊香港的展覽..展覽所擺放所有展品..全部都是模型..其中有幾件展品十分巧妙..無論手功..比例..造型..及像真度..特別係細節位置..都處理得好好..感受到作者的誠意..

然而..一邊觀看這批模型..一邊緬懷當年香港..那些舊日的文化足跡..好多都隨住時間巨輪..一去不復..我們今天的時尚..是否都是某種代價換來的? 而我們今天所失去的..或許是我們早已遺忘了..一切記憶..就衹有收進那舊皮箱中..

鍛鍊Hip位

除了利用一些hip abductor宜器..另外一種動作都好簡單方便..响屋企練習都可以..最重要 1. 上身挺直 2. 壓下時膝蓋不能過腳尖 3. 另一隻腳要盡力保持伸直..不要曲 4. 視線向前

來回為之一組..每次鬍鬚教練都要求做六至八組..如果仲攞埋啞鈴..唔單止雙腳攰..第二朝pat pat 都會勁酸軟..喱個係修hip同pat pat 肌肉嘅妙法..

Vintage Lamusic 2011

從沒有想過會去聽阿Lam演唱會..他唱歌好聽..但不是我的favorite..直至早一排..無意中响一個梅迷blog中..睇到網主post咗一條短片..應該係好多年前..梅姐同阿Lam合唱的一part medley..這一個夜+七月初七+最愛是誰..聽完又聽..先領略到何為百聽不厭..而剛巧個friend都有興趣..才有衝動去買票.. 整個演唱會好舒服..無壓力..點解? 我諗因為阿Lam 啲歌..求其係咁挑幾首都係經典..三人行係佢同劉天蘭+一個"細路女"合唱..咁多年之後.."細路女"當然已經唔再細..個場面都幾touching.. 唱「追憶」之時..可能由於被歌詞感動..幾次都入唔到key..喱首講父子嘅歌..都算係side-track嘅經典.. 阿Lam嘅現場表現亦算係咁..交足功課之餘..亦係狀態之中..而成個show我另外鍾意..就係隊band嘅表現..一段一段嘅guitar sound / keyboard..伴隨著一個一個音符..好正.. 千億個夜晚..在水中央..一個人..我要走天涯..誰能明白我..每一個晚上..男兒當自強..最愛是誰(相信梅姐都好like哩首歌).. 等咗成晚..好在佢都有唱「這一個夜」..不過應該係配合新碟重新arrange..

食在尖東

好少在這裡介紹食府..原因是自己對食實在要求不高..並無甚麼心得..反而對食肆嘅佈置氣氛比較在意..最近分別去過兩間不約而同都在尖東嘅餐廳..可能好多人都去過.. King Ludwig - 主攻德國豬手及大肉腸..餐廳配以微黃燈光..加上有live band駐場..一面食嘢一面嘆啤酒都幾爽..

Mask - 主攻川菜 - 辣 ! 餐廳格局跟隔離Ludwig相約..餐飲亦頗出色..

食完飯仲可以到附近海旁嘅星巴..

面對無敵維港夜色..陣陣海風吹來..談天說地..最為享受..如果想飲酒..星巴隔離仲有間pud..三兩知己..聚腳好地方..

阿哥正傳

大project亦剛剛完成..好彩有阿哥幫手..有佢嘅involve..我覺得好開心..由細到大..都希望佢幫我親手打造..有佢各樣嘅安排打點..我都好放心..有時我都未講..佢都會估到我想點..回想起嚟..真係一個奇妙過程

完了吧...?!

一代恐怖主義領袖..其下場竟在全世界"見證"下火速畫上句號..確實帶點兒嬉..隨著他的離去..留下的衹有一連串前後矛盾的官方言論..以及那此料不及的白宮外交災禍..FB上友人說拉登並沒有得到一個 fair trial..這點我倒認同..最低限度..都應該有一個機會..讓他(以及他的同盟及支持者)都知道..恐怖主義襲擊非但不能解決任何問題..反而會為世界帶來很多無可挽救傷害及不斷製造大量不必要的悲劇.. 對他的下場..不會有任何悲傷感..但對他的死可能帶來的牽引..卻是不能預計..但願一切一切..都是自己的杞人憂天..還是應該及時行樂嗎?!

(網絡圖片)