一年

一年啦! "回歸"gym room剛好一年..過往的一年..最滿意自己最大作為..就是堅持每星期(除咗病嘅嗰D時候)都要抽時間去做gym..當中最enjoy嘅..除咗鍛鍊身體同意志之外..就是workout時帶來的滿足感覺.. (1) 痛.. 徘徊在酸痛之間..不是真的劇痛..而是肌肉得到鍛鍊而帶嚟嘅刺激..這種感覺..就好像會令人痛上癮的.. (2) 靜.. 舉鐵嘅過程中當然無可能靜..但當完成了一組動作或一個session後..停下來稍作休息嘅時候..尤其是夜晚當gym room人流開始減退時..停下來片刻..除可以感覺到自己嘅呼吸狀態..亦可以感到一份奇妙嘅安靜..而這一份心情..能令人感到片刻放鬆..像重獲一個失去了的空間..為平日生活的緊張壓力帶來舒緩.. (3) 勁.. 體力嘅發揮..甚至動作與動作之間偶爾的叫喊聲..用到最後一度力像要想死的當兒..都使我感到一種勁道.. (4) 鬆.. 練習完畢之後..沖涼係其中一個放鬆嘅時刻..當熱水淋到酸軟肌肉嘅時候..好relax架..而另一種放鬆方法..就係之後去食一樣你嗰一刻好想食嘅嘢..但就唔好食太多太飽..過吓口癮就夠..喱個都算係一個幾好嘅獎勵自己嘅方法..就好似今日咁..操咗兩粒鐘之後..心血來潮..於是去咗喱度嘆吓..

運動的好處之(骨骼 & 神經)

以前時常聽人家講..多做運動對身體有益..甚至做咗Gym一段時間..都低詁咗運動所帶嚟嘅咁多好處.. _______________________________________ (I) 骨骼 Chronic Adaptations 1) 增加肌腱強度 2 增加關節中軟骨厚度 3) 關節表面膠原纖維增多增厚 4) 身體需要時增加骨髓中紅血球及白血球的製造 5) 增加骨質密集 6) 減少退化性骨質疏鬆症 ________________________________________ (II) 神經 Chronic Adaptations 1) 改進反應時間 2) 運動感增強 3) 減少交感神經或不隨意活動 ________________________________________ ...(待續)

不再腹背受敵...

一路做占以嚟..發現有個"意外"收獲..就是腰酸背痛嘅情況好似改善咗..練腹並不一定只為一排朱古力..原來腹肌收緊..可有助減低我地過於倚賴下背支撐上身重量所承受壓力..為整個上身提供更平均的支持..以前屋企人成日話企直時唔好寒背..原來係幫助我地健立一個健康姿勢..而坐低時亦都要盡量避免寒起個背..要令腹肌維持適當收緊..否則腹部肌肉會百無了賴咁變得鬆懈..再加上缺乏訓練..後果可能係一團團嘅半肥瘦加坑腩 !! 上一堂有個代課教練..醒咗我幾招拉根同練習腹部嘅方法..雖然睇落好似幾簡單..不過當中理論都幾有趣..可以幫助收緊腹肌同時鞏固下背週圍肌肉..能幫助改善長期腰酸背痛+豬腩肉等腹背受敵嘅問題.. 做法就係雙手放地..膊頭九十度支撐上身..雙腿伸展..收緊腹部去廷起成個人..保持姿勢..好似喱幅圖咁..

仲想修下條腰兩旁嘅線條..再firm D..可以咁..不過隻手真係幾攰架..!

plank exercise

My Christmas Moment

Every year..around this time, this is my favorite season. It's Christmas ! No matter how busy, how frustrated, or how crazy I get, still this is my favorite time of the year. Why? 1. Putting up Christmas decorations around the house can lift my spirit.

2. Picking the right gifts for others has become an enjoyable mission.

3. Of course, hoping for some wonderful gifts in return is also important.

4. Listening to some of my favorite Christmas tracks can be an incredible self-indulgence expereince for the mind.

God Rest Ye Merry Gentlemen... 夜還未深... 愛情來了報佳音... Here, Hoping Everybody A Wonderful, Merry Christmas..!!!!

唯有時間。讓愛。更了解愛

靠近聖誕，近日不時在電視看到這輯廣告，配上頗點題的廣告歌，愛情，真的甚麼都願意？！　我甚麼都願意，為你 ？！　　唯有時間。讓愛。更了解愛。

搜蟲記

今天一大清早..八點幾就起來..同李伯一起啟程到上環去買蟲草..坐港鐵去到上環站A2出口嘅永樂街..由於李伯佢貴人善忘..好不容易才確定到間舖..同老闆寒暄咗幾句..就決定要買嘅貨色..接住落嚟重頭戲當然係討價還價啦..喱個咁富挑戰性嘅內力賽..當然由李伯上陣..至於我..就梗係負責找數.. 揀蟲草我就真係冇乜經驗..基本上梗係越大條就越好..價錢之餘..當然就係要搵幫襯過又信得過嘅商戶啦..據講..採集蟲草嘅時候..工人嘅工具有可能整斷咗D蟲草..佢地會趁D蟲草仲濕潤嘅時候..在中央用牙籤接駁..令一條條蟲草睇落完整D..老闆就好仔細心咁响其中有駁口嘅蟲草..將牙籤拔出.. 一般嚟講..燉蟲草前可先用溫水浸一陣..將浸軟咗嘅蟲草..加埋去咗骨嘅瘦肉或者係雞脾肉..可連同龍眼肉..南北杏..杞子..一齊放進沸水裡..再將燉盅用沙紙封口..燉大概三個鐘左右..老闆仲話要成條蟲草食埋..好滋陰咁話.. 至於蟲草嘅份量..一個人可以用十至十二條蟲草..四個人就可以用廿條左右..咁我諗蟲草嘅品質都好有關係.. 蟲草嘅食療價值可能好高..但對於我喱D門外漢..都係食番御藥堂嘅蟲草Cs-4算吧..

Physical Activity Pyramid

今年除了用多咗時間做Gym之外..漸漸對有關運動的知識也感到興趣..近期亦報讀了一個體適能嘅課程..最初以為係工聯會攪嘅而且學費唔貴..諗住就可以hea D..誰不知每堂除咗幾頁碌士外..仲有成幾十張power-point (咁當然唔係全部都要考嘅)..第一堂其中一張slide係講Physical Activity Pyramid. 咁大個仔都只聽個食物金字塔..勢估唔到運動都有金字塔 原來係咁嘅.....

原本份英文筆記影得唔係太清楚..加上有blog友要求譯番做中文..咁就索性上網search吓有關資料..而舉鐵就應該屬於第三層..一般帶氧運動可以每週3-5次.. 至於最頂嘅係睇電視同打機..放响最上嗰層..即係唔鼓勵做咁多..(OH No !!! )..