2008年12月22日 星期一

軒仔拉闊變奏

剛剛有機會聽完軒仔早前嘅拉闊live cd..由他演繹嘅憶蓮medley別有一番味道..特別係"愛上一個不回家的人"..同埋"至少還有你"..可能佢係廣州人..無論廣東或者國語歌..都處理得幾好..今次音樂編排以及現場演繹都.....掂! 能造到向偶像salute..又有自己嘅風格..加埋個紫紫哋姣姣哋嘅封面..睇落都幾襯個主題..拉闊得嚟又變奏!

2008年12月19日 星期五

countdown...

好快又一個星期..今日全天侯都係咁忙..好彩都有兩個teammates一齊頂一頂..加上有其他dept同事幫手..再過埋下星期三就差不多收爐..咁就真係塵埃落定了..一向以來都儘量很少喺個blog上面講工作嘅瑣碎事..只不過近來心態上真係有d改變咗..知道幾忙幾惆悵都好..都要控制吓自己嘅工作情緒..有番d台型至得..沉著冷靜咁去盡量克服挑戰..盡力而為..

十二月中嘅心情...

進入十二月中..今年只剩下七個工作天..工作上不斷有衝擊和障礙..不自覺間..我也學會盡量放鬆自己的情緒..坦然咁去面對..盡量提醒自己將得失放低..不要將自己迫死..所以放工後仍抽時間落旺角..可能平日小落去朗豪坊..都覺得有d心水嘢睇到..今晚進度都幾好..又揀啱幾件得意打火機..有黑色超薄型..會着燈高達防熄(一個紅色留俾自己)..重有個幾cute嘅熊掌型..送俾公司幾個煙產..相信佢地都會幾滿意..今年可能市道氣氛都稍為緊張..所以揀聖誕禮物原則都會係緊貼日常生活..以實用性為主..將注意力去揀禮物同時亦可以為自己減壓..算是另一番體會..

2008年12月17日 星期三

廣告slogan

早幾日睇報紙見到康泰嘅ad, 相信係為配合近月金融海嘯所出嘅slogan: "毋須坐困愁城..不如玩咗再拼".. 對今日嘅香港人而言..真係極之貼題..亦真係令人值得反醒反醒..不妨放開懷抱..俾自己整頓下步伐..稍作休息..回一回氣再嚟過..亦都好切合我近日嘅心情.. 唔知係唔係咁巧合..記得上次九七金融風暴..當年嘅香港電訊都出咗句: "只要有夢想..凡事可成真".. 亦都係另一句對我有很深感受和啟發嘅slogan..

2008年12月10日 星期三

地球終極時

越嚟越多提醒人關於地球漸漸接近終結的電影,電視特輯,有時真的覺得將來好似很灰,尤其當心情不好或情緒低落時,都有諗下他朝一日究竟係點?近日亦忽然想起 "我和殭屍有個約會" 嗰套劇同首歌... 願思念是並沒盡頭 沒有依附現在過去或以後 即使這驅殼有一朝化盡塵垢 仍能跟你纏綿於宇宙 霓虹上有雪,酒得多撇脫 像向天地萬物,作最後告別 分不清季節,這冰冷四月 眼前的世界,景色淒迷決絕