2013年1月26日 星期六

台灣風情

近年屋企附近都出現了很多台式小食..除了貢茶..當中最喜愛的還有大大塊炸雞排..每次一塊..真係飯都唔駛食..但就無可能食太多..否則好乸大鑊..! 芋圓糖水就OK..加上配搭多..食完都飽哂..!
之前幾位同事都送上各樣台灣手信..包裝都頗有趣..哩份俾其他人睇到..唔好意思拆..真係幾似..
另外一份包裝都好有地方色彩..肥皂喱家嘢..確實好少用..相信我都唔捨得拆住..
最攞命就係喱份..係個同事特意送上的「祝福」..收到嗰陣真係O咀..但佢話希望我有咁嘅一日(暈!) 佢仲叫我掛出嚟大門..! 既然咁有心..真係多謝哂!
之前..兩位小朋友也給我送上他們作品..在此亦特別多謝佢地.. 家姐畫了一樣佢聯想到我嘅動物..竟然係....「佢」! 可能見到我屋企擺放了好多..(激C)
細佬就可能啱啱台灣返嚟..就畫咗哩個地標..(好彩佢唔係畫老鼠嚴蛇之類)..

2013年1月20日 星期日

為甚麼

最近番聽了一首香港民歌經典..是一首舊作品..是李國祥循環再唱的version..以前衹覺得好易上口的一首民歌..主題比較嚴肅..也沒太在意歌詞..如今再聽..竟然覺得幾禪..甚至有種去到盡頭回問自己..一切一切到底由那裡開始..那裡終結.. 

 為什麼生世間上 此間許多哀與傷    為什麼爭鬥不絕 歡欣不永享
 
問為何人存隔膜 顏面無真相 問那天可找得到 理想中的烏托邦
 
為什麼雙鬢班白 光采消失面容上 為什麼齒髮俱落 一張怪模樣
 
問為何年年春歸 無術攔春去 問那天可再一見 我當初的舊模樣
 
為什麼竟會生病 輾轉反側在床上 病塌中許我一問 怎可永無恙
 
問為何常存空想 愁病誰可免 是眾生必須經過 四苦根本是平常
 
為什麼凄冷孤寂 輕飄飄像無力 為什麼不見光亮 飄渺沒形像
 
在目前如何風光 仍是泥中葬 沒法牽走一根線 那許依戀臭皮囊
 
記得很細少時我已開始問..為什麼我會生於世上..?特別當自己闖了禍..做錯事之後..深怕受責難懲戒之時..都會問這個很傻瓜的問題.. 生老病死..我亦未 "看化" ..所以每每都帶著悕虛失落.. 此刻..我還有甚麼可以追求..這樣說絕非因為自己已很富足..而是好似去到一定地步..自覺不敢再有甚麼要求..這是知足?! 還是迷失?! 或者真如電影所講..人生無憾 是騙人的..如果無憾..生命就太乏味..



2013年1月12日 星期六

Ocean Park 2013

今年第一個節目..就是跟由美回來的譚氏家庭暢遊香港海洋公園.. 話說在倒數後第二朝早..我們都睡過龍..小鬼long long嚷著要坐的士..我們就call了的士..折扣後五個人都是$130..新界出發一程攪掂..簡直抵到爛..又慳番唔小時間.. 自己都多年冇去..感覺上添了不少項目..至少..我就未入過企鵝館.. 之前見到blog友貼上照片..已經好想去睇下..
海洋劇場..由於主題都頗強調愛惜海洋..尊重各類生態..竟給我一點反思..人跟海洋生物的相處..
香港老大街..也有blog友曾介紹..亦是我第一次去..係一個幾有誠意和特別corner..
金魚池D金魚幾得意..個館嘅設計亦頗別緻..
海洋奇觀..比想像中impressive..如果無記錯..大魚缸嘅玻璃應該換過..多角度視野幾特別..
最後嘅water show用水加上燈光..做成平幕..再投影動物畫面..亦都幾creative..再加點火花效果..在晚上看更特別..
其實..海洋公園個位置都好正..背出面海..在纜車上看黃昏..正!
自制了攪鬼相一張..希望唔需要等太耐..就可以同佢地再玩過......
Happy 2013 !!!!