2008年11月27日 星期四

日子如何●力量也如何

今朝倒塔咁早去咗公司嘅人大會議(領導人早餐大會)..去到當然有擦錯無放過 (擦番餐勁)..蝦餃..燒賣..义燒包..重有維他奶..不過食完嘢又要聽人長編大論..個頭又痛..不過其中有個人講嘅point又幾有道理..佢話一個樂觀嘅人嘅工作表現總比另一個終日愁眉苦面嘅人更好更出色(好似係有統計)..或者都係嗰句..有辨法解決嘅就唔係問題..盡哂所有能力都無辨法嘅..煩都無用..笑又係咁去過一日..喺邊個崗位上都好..有時總要提醒自己要永不放棄..耐心等待機會嘅出現..特別在今日金融海嘯衝擊之下..願每個香港人都共勉.. 電視都有講:你的日子如何.力量也必如何!

2008年11月19日 星期三

career times

I can't remember how many times I decided to turn down an offer. It is sort of a resemblance to my love life in the way that I am stucked with what I have / can't have. After thinking over and over again, I am just not comfortable making the move. This time, I even considered there is something still worth to pursue in my current role. For guys, perhaps career is more than moving on to a new job. It is also about building your resume; anticipating what kind of competition you would encounter; working to survive the changes in the job market. This is an ongoing revival process.
(網絡圖片)

2008年11月10日 星期一

九五至尊管理智慧

近日翻看幾年前嘅『九五至尊』,全套劇都幾攪嘢,超時空,雍正皇帝加埋呂四娘,落難於香港,劇情更與建築扯上關係:建才公司老板秦沛對經營建築事業的情義,來自他對家的重視,他更要管理幾個仔女(brian志大才疏;hugo有實力但太自我未能盡得人心;frankie有勇有謀但最後卻利欲薰心;rachel雖未夠成熟但具有賢德之心),如何知人善用,並要償罰分明,要管理好工作,就先要處理妥自己的家。而李大蝦的皇者智慧,怎樣觀人於色,留意身邊人事及每樣問題精結所在,但又切勿鋒芒太露。在困難時更要處變不驚,積極去面對,在失敗中汲取教訓,做人做事更要有大丈夫所為,要管理他人,亦先要管理好自己。 當中嘅做人處世道理,趣味之中亦有值得反思嘅智慧,讓我重新評估自己嘅工作生活態度。在辨工室,或在人生道上,總有得著...

2008年11月4日 星期二

胸襟

(網絡圖片)
由細到大,每逢面對逆景時,自己的態度總比較消極,很多時候不懂得從另一個角度去面對事情,甚至有時會自怨自艾。當人大了,特別在社會磨練了一段日子,或者思想亦慢慢開始沉澱,漸漸開始明白,人總要學識如何自處,特別當遇到困難錯折時,只要盡咗力但仍未能改變事實的話,不妨用豁達的胸襟去面對一切。 處身於都市的生活壓力之中,更要多留意身邊的人和事,或者會令自己更加客觀,同埋更懂得去appreciate自己所有所面對的。

雞販的啟示...

今日繼續我嘅清假行動,偶然看到鏗鏘集,今集主題有關活雞行業的興衰,一路睇一路有d感慨,片中訪問到幾個雞檔檔主,當中更有兩代經營,但到了第二代已經因為中央屠宰政策而要被迫結業!其中一個阿伯更道出他的矛盾,當初因打算栽培個仔繼承,但到今日亦慨嘆可能累咗個仔,阿伯嘅說話更令我有d啟發,悲觀一點看就係事與願違,但若然豁達一點睇亦不過是藍柯一夢而已。 縱使阿伯今日感到三失(失望失落失敗),但阿伯更有三誠(誠信誠實誠懇)嘅服務態度,是值得每個服務業嘅人借鏡的。 但最後一個shot竟然係掛靴(水鞋),真諷刺! 令我有點反思嘅係,要不斷檢討今天所走嘅路,人嘅眼光一定要放得夠遠夠闊,更要為未來不斷學習,不斷求進,裝備自己。