2009年2月3日 星期二

溫總的話

昨晚新聞報導,溫家寶所說的話,指無論我們前路有多艱辛,最重要是有信心,肯合作,負責任,是他對所有人的呼籲。他特別強調信心。突然想起,奧巴馬就強調責任。我諗,合作,可能就是指肯放下自我,願意與其他人一齊承擔嘅氣道。這陣子聽新聞真係要好留心,事關太多講經濟又點,金融又點,有時細心聽吓領導人講嘅說話,可能會有d得着。

2009年2月2日 星期一

及時行樂

一個21歲科大男生前日踢波後溫書至昨凌晨4時,其後在元朗家中一睡不醒,送院搶救後不治。佢在網誌上更寫自己失眠到很驚人,終於攰到一睡不起! 看到這篇報導時都不期然為他的父母感到難過,畢竟要養育一個孩子成才,當中付的心血可不少,已往所懷的希望,一瞬間亦化作無盡唏噓...在此祇有祝願佢家人能夠振作起來。 似乎近日所發生的新聞都是大大鑊,其中幾單交通意外,都令我覺得生命真係好脆弱,生死可以係一秒間嘅事。突然覺得,既然如此,造人仲有乜嘢值得去執著,有乜嘢好怕,就算工作遇到甚麼不如意,時勢幾咁艱難,感情路上有多少崎嶇,人生匆匆又過去,每日營營役役咁做到仆哂街,有時除咗要努力做好本份之外,真要學懂及時行樂嘅道理,做自己想做嘅事情(當然唔好害人)。

2009年2月1日 星期日

給每個香港人

星期四已開工,始終重係初四關係,工作都算是清閒,都有時間咆吓張報紙,响頭條日報上面睇到一篇頗發人深醒的文章,內容提到香港的一個現象,部份人每日透過不同傳播媒界,不斷地肆無忌憚的鬧或者踩政府,當中有部份批評亦或者演變成為人身攻擊,風氣發展下去,不但影響到大家可能忽略對其他人嘅一份基本尊重,更嚴重是令到社會不知不覺間堆積了怨氣,為香港帶來好唔掂,一事無成嘅形象。雖然香港嘅政府有時真係會激死你,但作為香港人嘅我哋亦不妨換上另一副眼鏡,嘗試以比較正面的出發點看香港,齊心合作,以正面的態度面對挑戰,發揮正能量,讓香港能夠轉危為機,這可能是每個香港人尋求安居樂業之道。我想,最重要係懂得去appreciate我哋今日所享有嘅一切,去欣賞香港的優點,留意下香港好過人嘅地方,並好好去珍惜她。 source: 頭條日報中環High Tea 29/1/2009