2010年10月26日 星期二

偷閒加油站

來到離島上一間精品小店..室來放滿著許多精緻小擺設..而部份旁邊更寫上不同的鼓勵加油字句..其中特別有印象的一句 : "很多不如意事..只要你放得開..問題並不存在" 就這聊聊幾隻字..好像給了我一點強心力量..就算不幫襯..都會有所得益.. (可惜店子內講明不準拍攝) 步出店子後..被門前的一塊木牌子寫的兩行字吸引了視線..彷彿預備歡迎你隨時捲土重來..
黃昏臨近..走到攰了..坐下來竭竭..細看黃昏..再加一杯可能係世界上最好嘅啤酒
面對低潮或逆境之時..既要積極應變同時..更要學懂在疲於奔命日子中稍為停頓下來..整理一下凌亂的思緒..疲乏的腳步..為自己找個偷閒加油站.. 這一刻 你若然覺得孤單 忙碌中 偏偏一切在兜彎 但願你會 找到些空間 完全投入平淡 讓簡單的我 回復簡單 誰人都 應該找到 加油站.....

2010年10月24日 星期日

蔓珠莎華

趁著放假..心情比較放鬆..於是決定去睇劉雅麗主演嘅musical..起初沒有抱太大期望..因始終覺得很難由其他人去演繹梅式情歌的那份味道..可能受之前展覽會的影響..今年好似特別懷念梅姐..在沒有甚麼expectation心情下..反而有種頗特別的體驗..musical 主要分四parts.. 頭一part嘅出道..描述到梅姐由很少的時候就要到茘園及各大大小小歌廳唱歌..當唱到歌之女時..我有一絲絲感動..她很多時候為了趕下一場..就只有穿著歌衫跟人家迫巴士..往往給別人歌女當舞女的白眼..她頑強地告訴自己..總要以自己的歌唱職業為目標..要繼續向前努力打併..不要被人家無聊目光影響到自己..看到這一點..我對自己的工作又好像有了啟發..雖然我不需要出嚟唱..但回想自己有時面對職場上的挑戰..心態上其實都幾灰..好多時自己都未攪清楚..究竟是客觀環境因素..還是自己給了自己負面壓力的主觀因素..究竟是訓練自己在困難中茁壯成長..還是任隨環境去支配自己而自怨自憐? 放於今天面對工作挑戰的態度..都是一個提醒.. 另外講感情嘅一part..劉雅麗以裝飾的眼淚去演繹了Anita在情路上的幾番起跌浮沉..和無盡空虛失落..加上劉雅麗把聲都幾到位..聽得令人有點稀虛.. 還有一part是懷念幾位好朋友..其中劉雅麗以夢幻的擁抱去紀念哥哥..同一首歌我雖然已聽過很多遍..卻又是另一種味道..
在完全沒有特別期待之下..這個演出竟帶給我頗深的驚喜同一點啟迪..是意料之外..整個show我其實已經不太在意劉雅麗如何去扮演Anita..反而..她的故事(雖然都不再新鮮)令我好像從新認識了她這個人和她的歌聲.. 最後..故事俾我嘅另一個message就係..人生最重要的就是有愛.....

2010年10月10日 星期日

Faithfully...

今天到屯門看了一個有關她的展覽..眼前一幅幅海報..一張張舊照..一件件展品..一段段的歌聲..心中沒有太重的傷感..有的衹是一幕幕的片段..一滴滴的情懷..同無限的思念..
       其中Sammi 留字..留下只有思念。一串串....永遠纏。這也許是所有梅迷所想的吧!

2010年10月9日 星期六

背肌 II

最近左邊手好似拉傷了..向上舉鐵時都要就住就住..鬍鬚教練又示範了兩個練背脊動作.. (1) 坐低後先試位..指尖剛好店到手柄..這個距離就OK..背脊夾實..挺胸..避免縮起膊頭..拉嘅時候成個背都應感受到D力..
(2) 另外一個練背動作..就是全低..雙手捉緊手柄兩端..盡量伸展背部然後雙手向後拉..身要保持挺直..不需刻意向後挨..最重要是雙手手肘要架起..由於手柄夠闊..所以衹需挺直個背..留意手肘高度..唔需要特別鎖背脊..成個上背部都會feel到力..
(3) 跟住做引體上升..要練背脊..最重要身要挺直向前..等D力習中落哂背部..落嘅時候動作可以dip低D..但避免放得太盡傷到手肘位..以往可能身唔夠挺直向前..所以都爭D..今次教練提住..個背完全feel到D力..效果唔同哂
鬍鬚教練叫我練多D二頭..三頭..仲有膊頭..適當時再要加重D..再可操密D..嚟緊做嘢同上堂仲會好忙..希望會都可以keep住個步伐..

2010年10月3日 星期日

廸欣湖

最近看到有兩個blog友介紹廸廸尼附近的廸欣湖,返公司問了幾位同事,竟然冇人去過!我有一段時間更天真的以為廸廸尼入口嗰個噴水池就係。趁有個黃金週末,決定去視察一下。勢估唔到香港會有個咁外國feel嘅地方,而且環境相當優美,無論繞著湖邊散步,踏單車,影相,觀賞花卉,坐响草地野餐,閱讀寫生,拍拖幽會,甚至拍婚紗照,想點都得,確實係一個很好的地方,遠離繁囂,尋找安靜,俾自己呌呌氣嘅難得空間。
沿途見到各式各樣的花木已是目不暇給,其實仲有一個植物園,下次再去至得。
黃昏時份,又是另一番景象。

2010年10月2日 星期六

拾一國慶

有個朋友回港工作一個月了,就趁這個黃金週末,大家相約去赤柱走一趟。其實都好多年冇去過,印象中赤柱係個鬼地方,因為好多外國人,趁週末約埋三五知己,去飲下嘢傾下計吹下海風,大家可以relax下,都係一個幾好選擇。大家都話赤柱係一個唔錯嘅地方,值得再去。
之後再過尖沙咀食飯,順便仲可以响廣東道睇到煙花滙演,竟然企响路中間影埋相都得,又唔駛同人迫餐慒。