2013年12月23日 星期一

Walking in the Winter Wonderland

聖誕節是我由細到大最喜歡的節日..Christmas 好像代表了一個充滿了愛..充滿歡樂..充滿希望..充滿音樂..充滿了奇幻的season..
雖然好細個我已知道無真正的聖誕老人坐著會飛天的鹿車..然而一年才一次的聖誕樹..聖誕裝飾..聖誕party..聖誕禮物..跟家人或好久不見的朋友或特別的人好好連繫..加上下降的氣溫..都使我有種莫名興奮..像投入了一個很有氣氛的winter wonderland..
今年對我好難忘..好多思想..健康..工作..朋友..家人..做人態度..生活中一些正面啟發..加上年尾生日..好希望隨著聖誕節來臨..一切一切事都有個refreshing氣象.. 順便祝大家有個開開心心嘅聖誕節..Merry Christmas !!!

2013年12月6日 星期五

黑膠碟時光機

想起來我跟爸爸都有點相似 ! 老爸以往鍾情古董玉器,記得小時候也跟他去過不少地灘檔尋寶。在他眼中,那些一千幾百的玉石,可以是問天問地攞唔到般珍貴! 而我也好像遺存了這個特性,我喜歡的是二手唱片!
可能在美國生活了多年,有好多的香港流行曲我是沒有買碟!回港後多了跟朋友唱K,也從K房中回顧咗不少經典作品… 除了是聽歌之外,唱片封面及包裝,也反映了某個年代特色,也是我喜歡儲藏的原因,而且有些歌星可能經已好少再出碟,以致他們舊作更見珍貴。所以有好一段時間,我也喜歡逛二手CD店,由於貨源,當真係有幸尋到寶,又能以相對較平價錢買到的舊版,已經可以好開心(我有時都係好易滿足嘅人)。 雖然屋企並無HiFi播放黑膠碟,但我還是屎忽痕的買入了少數黑膠碟,當年梅姐走咗之後,仲記得無意中在聯合廣場一間舖頭買了三張極具代表性形象嘅黑膠碟,留作紀念,喱三隻碟轉眼都keep咗十年。
時間好快過, 可能今年係佢走咗嘅十週年,早幾日出去深水埗一間賣舊唱片舖頭,又搵番其他舊嘅黑膠想儲番一套當留念。
一時間真有點衝動想買番部黑膠碟HiFi機玩下! (救命!)

2013年11月28日 星期四

感恩節

香港受外國影響,其實Christmas之外, Halloween可算是越來越被關注的節日。但我覺得另一個好有意義的節日,就是美國每年十一月第四個星期四慶祝的Thanksgiving. 「當你沒法控制到你所遇到的時候,就應該去欣賞你所擁有的。」 尤其近數年社會氣氛緊張,香港人面對的種種問題,除了積聚怨氣,學懂去感恩也是需要的生活態度。 隨著生活磨練,大了總得學習appreciate身邊人和事,開心事固然容易感恩,但能夠為不平坦的人生際遇感恩,更可是終身的學習。
今年好似經歷咗唔少,要感恩的是當中過程同感受,個人的健康,家人的關心,同儕的關懷,遇到的每一位醫生,讀過的每本書,甚至已離開的父親etc.
最要感恩的,是我開始明白到..人生雖無常,但有夢仍要追… 人家或說追夢只是年輕人的尊利,我卻不認同,單看爸爸憑雙手艱辛養育我們五兄弟姊妹,他就是勇敢的追求,他的夢想才的得以完成吧!

2013年11月22日 星期五

墨水筆

最近有blog友提到環保筆,令我諗起其實我好多年來都有用墨水筆習慣。記得小學時學校指定用英雄牌壘墨水筆練英文字,也是第一次接觸墨水筆。
還記得我很小時候,有日爸爸在巴士上執到兩枝墨水筆俾我同四家姐每人分一枝,一直保存到現在。
出嚟做嘢後,返工都會帶枝筆傍下身,好多人會用萬寶龍,但我覺得太貴兼太俗氣,始終鍾意用墨水筆,係一枝好平實嘅PARKER , 雖然換心無原子筆咁方便,但買一樽墨水有排pump都幾抵又唔駛成日買筆,感覺都算幾環保。
我諗真係冇乜人會好似我咁拗口!

2013年11月11日 星期一

星夢傳奇

經過媒體大肆報導..才開始留意這個節目..起初也只當一個歌唱比賽看待..其實睇完咁多集之後..都有好深感受..當站到舞台上時候..看到他們每一位參賽者..開始明白到..這絕非簡簡單單的企上台比賽..不單止努力唱好..當中意義就是鍛鍊自己去放開一切..用心去perform..同埋去感動周圍的人..盡情的享受整個過程..
人生其實都好似..當生活挑戰來臨時..當然無人想失敗..但有時睇得贏輸太重..就好易被壓力弄巧成拙..反而要當一個考驗..同時..盡量去perform自己..盡量去投入..感受..並好好enjoy當中過程..那管衹是短短幾分鐘的時間..
其中鄭俊弘講過..最想做到..就係彈結他..唱歌..同將歡樂帶俾人..相信就是種態度..令他不當節目只是比賽..而是分享生命..感動別人..enjoy music..enjoy life.. 有嘉賓說到..機會衹留給有準備的人..我想..除了技巧知識上..有正確態度..做人做事都會更加鬆容自在..因為你睇到的不單是贏輸結果..你會明白到生命的意義是去經歷..let's enjoy life..

2013年11月4日 星期一

每當變幻時

今日在書店打了一陣書釘..偶然碰上一個標題為香港專題的書架..我隨手拿起一本關於香港舊日街道圖片書籍番看..見到一幅又一幅盡是黑白街道照片..不知為何..一股酸溜溜的感覺..驀然由心中升起..?! 架上亦放置了很多關於香港的專題書籍..包括地方歷史..傳統文化習俗..城市規建..郊野地區發展..中區警局舊故事..以往紅色熱狗巴士..集體回憶新聞..etc.....心中不禁有種怪怪的失落感..曾幾何時..那些不就是香港的民生時事嗎? 但一下子這些一切一切..都好像要存放在書架上..成為專題研究..像要變成回憶典故一般.. 近年逛書店或商場..都會碰上一些以懷舊香港情為主題的手工模型展覽..立體模型積木..以懷舊風造招徠的餐廳......個人覺得..自回歸中國以來..香港人在十數年間亦經歷了太多..加上香港市民近年面對社會核心價值衝擊..心底深處大都惘然惆悵..記掛著往惜種種..香港文化亦有漸被邊緣化危機同時..而這些集體回憶動作多少令人帶點悕憈..
不經不覺已回流香港多年..祝願我們的香港可以繼續發光..亦祈望香港人繼續發奮圖強..經得起每個時代轉變..

2013年10月23日 星期三

海旁獨晝

平日好少機會停下來,搵個地方抖下氣,要滿足自己有時亦不一定要花很多錢。偶然乘渡輪到尖咀海旁走一趟,面對我們的維港,雖非一望無際,但能夠遠望海港,吹一吹海風,感受下季節轉變,細賞黃昏,可會感到輕鬆舒暢。有時,人遇到困難時,好易將問題放大,未能將眼光放得遠,只要稍作調節,留一點點空間俾自己,暫且漫無目的放空,讓自己恢復拼勁,繼續向前邁步……

2013年10月20日 星期日

灣仔天橋畫廊

之前翻閱攝影書..介紹了這個有趣攝影熱點..偶爾在電車途上發現它的位置所在..這日沒有相機..就只拿著手機放肆地拍..這個天橋畫廊..刻劃著舊灣仔文生..也可以說是香港地七十二行的縮影..暮然感受到以前的香港..普羅大眾都是以雙手幹活..編織出一個又一個奮鬥成長故事..同時亦見證了一個起飛的年代......
1 搓麵粉公仔
2 木屋區挑水
3 紙扎花燈舖
4 擦鞋補鞋擋
5 象牙雕刻
6 公仔書報攤
7,8 涼茶舖+飛機欖
9 織籐器
10 賣彩票
11 理髮 + 線面
12 打小人
13 玉器攤擋
14 裁剪縫紉