2013年11月22日 星期五

墨水筆

最近有blog友提到環保筆,令我諗起其實我好多年來都有用墨水筆習慣。記得小學時學校指定用英雄牌壘墨水筆練英文字,也是第一次接觸墨水筆。
還記得我很小時候,有日爸爸在巴士上執到兩枝墨水筆俾我同四家姐每人分一枝,一直保存到現在。
出嚟做嘢後,返工都會帶枝筆傍下身,好多人會用萬寶龍,但我覺得太貴兼太俗氣,始終鍾意用墨水筆,係一枝好平實嘅PARKER , 雖然換心無原子筆咁方便,但買一樽墨水有排pump都幾抵又唔駛成日買筆,感覺都算幾環保。
我諗真係冇乜人會好似我咁拗口!

18 則留言:

  1. 用墨水筆的人畀人感覺好有文化氣息...通常我印象中,多數插在恤衫的袋裡~~以前的漫畫家插圖家都係用墨水筆畫漫畫~~~不過我沒有用過幾多, 而且怕漏墨~~
    你所保存的筆好新淨, 唔知你現在多唔多用筆書寫??

    回覆刪除
    回覆
    1. 森兄觀察力好強(哈哈),以前多用墨水筆寫日記,間中寫信,墨水筆俾到我有種書寫空間感,現時多會用來take notes,返工都會帶架。

      刪除
    2. 而家貪求方面, 通常用原子筆就可以,最近發覺啫喱筆都好好用, 雖然好快冇墨, 但勝在書寫比較流暢...

      刪除
    3. 有無發覺電腦普及後,我們寫字機會少了,甚至有點陌生,但隨著iPhone 興起,我用手寫輸入又多咗,可恨我的中文不太好,最弊唔記得個字點寫

      刪除
    4. 而家打字多過寫字,有時拎起支筆寫字反而唔太就手,肯定冇以前寫字咁靚~不過好在可以打下Blog,因為有人睇都唔想打白字錯字,所以警愓自己打好點…
      你中文又唔覺你唔太好,有時執筆忘字少不免…

      刪除
    5. 有時揸住枝筆真會有種硬哂太感覺,所以科技進步是有代價的,執筆忘字時,我會查字典或中文輸入去搵字,真失禮,同事都笑我D中文差
      同意,因為有人睇,所以我都會盡量寫得好D。

      刪除
  2. 我都有一枝不過依家無墨水

    回覆刪除
    回覆
    1. 枝筆無墨水唔緊要,你有咪得law :-)

      刪除
  3. 我手汗多,不能用墨水筆!

    回覆刪除
  4. 仍用墨水筆寫字 !? 你都好有文化人 feel 吖 ^^

    回覆刪除
  5. 用墨水筆書寫,很有文化呢。
    博樂愛用以前上司送給我的原子筆,
    總覺有份默默的鼓勵在裏面。 ^_^

    回覆刪除
  6. 寫下blog都算有D文化^_^
    用一枝有意義嘅筆,一定特別醒神,揮耍自如

    回覆刪除