2012年12月29日 星期六

Blessings...

十二月好特別..是聖誕月份..是生日的月份..是今年最後一個月..本以為也是傳說末日會降臨的月份..不知我仲會有幾多個十二月..就記錄下以作回憶.. 既是聖誕月..就算之前心情幾唔靚..就算工作幾忙亂..就算日子幾晻悶..我都會做一件叫自己開心嘅事..就係買d聖誕禮物送俾想去appreciate 嘅人..揀禮物..當舒緩下壓力之餘仲可以考下自己眼光同心思..送禮物都係想令人開心下..施比受更讓自己開心..
每年都會聽下傳統的合唱團聖誕歌..好有節日氣氛..亦係另一種心靈強化劑..
另外咁當然收下禮物就更開心..因為有d真係好有心思..亦心存感恩..同時亦體會一切都豈會是理所當然..奉上謝意..其中至like嘅......
今年仲有d中獎運..成五百蚊..睇嚟仲有排行運..haha
我給自己的聖誕禮物..(實情是買買下嘢俾人..又變咗買埋俾自己)
聖誕的家庭聚會包括卡拉ok..大食會更是彌足珍貴..
我跟老爸是同一個月的..
我嘅生日願望..就係越操越fit..身體健康..食得瞓得..
由於生日月份有優惠..偶然在買底底舖頭遇上個sales..係我舊同事..大家傾咗好一陣..佢同我一樣..當知道末日過後..第二朝起身仲見到自己..竟然有d失望失落..唉..我地都太大壓力lu..
家姐送上的頸巾+手套..十分鍾意..好暖..點都要試下至得..

2012年12月9日 星期日

同窗會

最近因為公司有大買賣,工作上有改變,或者好幾個月後就要轉team, 要去接受新任務,也是新挑戰,雖然放在面前是一個新機會,我應該感到興奮,但面對轉變,人總會有點忐忑,我最初毅然接受,都是基於不妨一試,始終有機會轉形,俾自己行一條新路鍛練下自己,好過日後蘇州過後dum心口! 自己都唔細,告訴自己總要growth,要為嚟緊時間定下目標,有了方向目標,就算偶然失意,才不至胡思亂想吧! 只是,有時好矛盾,每當去到一個comfort zone之後,總會想停下來,因為有所倦戀,又唔想再失去,因為再去建立,就一定要付出,有時,就要在安於現狀同進取的三叉口位置作出取捨吧! 我其實都是一個小男人,做人從來沒有甚麽野心,也沒有甚麼要求,只要見到身邊人開心就可以,除了有時大脾氣D之外,自問基本上都算一個好人,希望好人有好報,一切事迎刃而解! 有時,人有得揀,可能會帶嚟另一些煩惱,面對窗外街燈夜色,對面大廈的窗框,倚窗遠望,像要覓尋那些同自己一樣的人,互相問一句,你快樂嗎?

2012年11月30日 星期五

某日下午飲茶之後,我們到了阿秋的家中,他是我們以前的舊鄰居,多年無見之後,原來阿秋已經變了一個貓癡!上到他家中一打開門,即時見到他的一群寶貝,乖巧的企望著,像是列陣歡迎我們。一望至少有十隻八隻。那情景何其壯觀! 阿秋為我們逐一介紹他的家中成員,其中以一頭叫寶寶的貓公最為特別,牠氣派專貴,有皇者之風,原來以前曾贏過不少比賽。可惜一次視網膜發炎,令牠的視力減弱,也間接令牠的眼珠看來很特別。
其間,阿秋熟練地向其中一頭初生小貓餵奶,又給我們講解各貓兒特性,如何安排交配,如何計算臨盆日子,為貓乸接生,照顧初生又不太懂自己啜奶的貓咪。 這些年間,阿秋原來已成為一個貓王了。他的屋企,亦儼如貓之王國。
我係Mr. Cool..中文名叫阿酷。
我係淑女,唔好掂我!
仲唔校水俾我沖涼?!
你地係記者?!
做乜傢伙有幾個圈?
唔通食得嘅?摸下先!
快D影下我啦唔該,後面掛緊隊架。
要多張close up,千祈咪手震喎!
Hey! baby, 打個車輪先。
衰鬼,咁耐都唔嚟,
掛死我啦!
一袋二袋,有冇貓糧呢!?
喂!邊個叫我?
大家好,我地係Shine. 但我地一D都唔shy..

2012年11月15日 星期四

花無缺

搬進新居都有年半了..生活上都發覺自己改變..偶爾在blog上留意到有人post出好靚嘅插花相..亦有一陣子受同事一點點薰陶..pat pat痕地愛上行花墟..在屋企擺插一點點鮮花植物..尤其鮮艷色彩的..除了裝飾外..有時都會令自己心情好D..亦幫助點綴一下沉悶時刻.. 馬蹄蘭..是我的favorite..
二家姐曾送上的..賀入伙..仲指點了一些插花造型基本心得..
自己隨意之作..
D花靚就靚..但基本上日日都要換水..而且平衡只可擺放一星期..放假又要再揀再買..有時又嫌煩(人就係咁)..近月比較懶..開始養青竹..貪其方便又不用成日換水..老爸更教我只要開點窗..有生風吹下..久不久又俾D竹曬下太陽..就唔使點打理..啱哂我哩D懶人..