DEADLINE

剛巧昨日心理學課題講及老年痴呆症，患者最終都因腦細胞退化而最終失去所有記憶，就好似靈魂離開了，剩下的衹有軀殼。聽到這裡，心頭感到唏噓同時，同時亦感到人生幻變無常，好應該趁自己有能力嘅時候，活得有意義，才不枉此生。 今日亦從雜誌訪問看到一句說話..「冇嘢係攪唔掂嘅，衹要肯去諗計就可以。」好似係一句好簡單好合理嘅說話，但都有種當頭棒喝嘅覺悟。 喱幾年總有一種好似已經去到盡嘅感覺，心態上都有種攰，亦唔肯定係唔係仲需要Ｄ乜嘢突破。回想今天，回想以往，回想自己嘅崗位同人生態度，其實係好應該再積極樂觀多Ｄ。而最近工作上嘅衝擊，亦正給予我另一種體會，事情如果做得唔好，以往我會好怪自己，但今日我會諗，睇下問題响邊，下次再做好Ｄ就得。因為，每個挑戰都可以係一個好難得嘅學習機會，應該盡力把握。 人生係應該為自己，為身邊嘅人，好好嘅去發熱發亮，釋放更多正面能量。 時間亦配合得真巧合，軒仔近日新碟嘅一首DEADLINE，亦來得正合時。那段intro嘅琴聲，那種好像疲累後又重尋勁力嘅歌聲，那一種不懼怕，要尋求另一片天嘅決心，都為我帶來重新調整自己嘅推動。

"> 執起筆想寫再見 算算有哪個想見 至發覺世上還有太多可戀 這首歌應該抱怨 卻教我重頭充 了電 yeah 假使我要 更愛目前 天天當做 最終那天 天天講聽朝會變 而明晨何其遙遠 何妨當 無明天 即使間悲觀似我 世界有我也不錯 有了這覺悟還有哪些不可 想不通怎麼躍過 最諷刺憑遺囑 協助 花凋鏡破 寄語若何 光陰有盡 愛惜更多 一朝將生死看破 原來能重頭來過 仍然有 何其多 I wanna change (Why not) I need a break (Why not) I wanna feel love (You are what you are Wo~ Wo~) I wanna dance (Why not) I wanna sing (Why not) I want to be loved (Wo~ Wo~) I wanna fly (Why not) I wanna dive (Why not) I wanna feel life (You are what you are Wo~ Wo~) I wanna smile (Why not) I wanna cry (Why not) I’m staying alive (Wo~ Wo~) I’ll beat the deadline (Wo~ Wo~)

心有靈犀

今晚睇完最後一集「心有靈犀」，覺得有Ｄ感動。如果有睇開嘅都知道個節目其中一個特色就係夠真，每次响「這一曲送給你」同埋「情心說話未曾講」喱兩個環節中，都會出現一Ｄ令人意外嘅感人場面。今集仲有replay之前嘅嘉賓，其中： (1) 許秋怡跟王書麒講，見到公園老伯伯同老婆婆，兩個人眼濕濕對望，憧憬日後老咗都仲可以咁細水長流。 (2) 細龜跟太太嘅都希望，係可以一直照顧太太同埋兩個仔，而其中十五歲大兒子身體卻有問題至不良於行，兩夫妻仍帶著堅定眼神相對，細龜更是第一次送花俾太太。 (3) 河國榮身體有毛病，但對太太多年感情，都盡化在一首「幸運星」之中。 (4) 杜汶澤亦對田蕊妮輕輕一句，在人生旅途中，無論開心與否有時不能預知，但最重是弦途有誰作伴。 兩個人之間相知相遇，相愛相關，除咗緣份外，可能都需要雙方肯去互相配合，彼此接納，才能夠海闊天空。