南丫島

上一次是忙中偷閒心情去南丫島走一趟..今次卻是趁著復活節假期去.. 天氣都尚可..加上是假期..遊人都唔少..行山..影相..放狗..親子或是拍拖..都是一個好去處.. 沿著大路走..大街有好多不同嘅酒吧..餐廳..海鮮飯店..特色小商店..水果店..涼茶舖..仲可以沿南丫島家樂徑行去另一邊嘅索罟灣..真係一個遠離市區的好方法.. 我很喜歡的『稻草人』小店..專賣Handmade精品..成間店很有心思..特別門口嘅一幅木牌..同上次嚟又唔同咗..

沿路有好多餐廳..哩間入面好似圖書館..可能咁所以叫Bookworm..專sell有機食料..

哩位阿哥幾疏乎..

好多人都帶埋D狗狗出巡..

有好多得意嘅小店..哩間都好似幾掂..仲有網上服務..

唔知乜解究..周圍D樹竟然生到斜埋一邊?!

行到咁上下..最終揀咗哩間食土耳其菜..

食完D熱氣嘢..梗要啤一啤佢啦..

夕陽無限好..卻是近黃昏..