上海手信

今次遊上海途中買了兩樣頗特別東西.. 近年開始鍾意品茗..所以對紫砂茶壺多咗興趣.. 這是從無錫出產的一套茶具..本身為當年上海世博出品..由於我未能參觀世博..覺得幾值得紀念..加上有一隻大茶杯..我覺得幾方便..唔駛一啖飲完又要再添..再跟四隻細杯..真係招呼自己或其他人都好好..

臨行前..公司同事仔話想要一把扇..佢上次响上海幫自己揀了一個圖章..仲專登叫人刻上『天才橫溢』四個字..但人地最後竟將佢個「杰」刻咗「傑」字..我就戲言今次如果有機會就買把扇..再幫佢寫首詩上去.. 結果在旅遊車上..好牽強地用佢個名寫咗首詩出嚟..

最後去到城皇廟廣場一帶..又好彩搵到一擋幫人提字在摺扇上舖頭..問價RMB$80..當然乖乖搒水..

書法

一年前到過上海遊玩..其中最記得在寒山寺..是一幅幅書法牌扁..近年不知為可開始對書法感到興趣..尤記得舊老闆時時提我讀書..叫我退休先好去習書法..哈哈..最後當然聽咗就算..!

自從上年寫過一次..支毛筆封咗一年..臨近農曆新年..手癮又來..我相信練習書法是可以陶冶心性..而且還可以給自己一點安靜空間..書寫過程中有著個人反思..就如今次落筆..可能仍未操控到筆觸..力度..字體與空間組織..每每落筆時都帶著惶恐完成一個字..越覺得有點心急..反映自己有時只著眼完成結果..卻忽視了過程當中感受.. 開始寫了幾遍..又睇會到不能操之過急..同時又不能拖泥帶水..否則墨汁跟紙張就會紏纏不清..化成一灘..當中都好像有點做人處事學問..

如果伴著音樂一邊寫..都有另一種心情感受..