香港G夜

近幾年已很少去睇演唱會..多數是朋友相邀看他們想去看的演出..至於自己嗎..一來好懶(亦好難)去買到好座位的門票..二來令我很有衝動去買票的歌手已不太多..而GiGi嘅Show倒是近年一個我有興趣的..那天剛從深圳過關回來..隨即火速到紅館撲飛..怎料去到售票處時..竟有黃牛黨上前兜搭..我就已近半價錢..享受了一個好warm..好"琪"待的香港G夜..

從TODAY/我鍾意EP年代開始..我都不自覺地喜歡上她的歌..有輕柔..清新..或是略帶質感的情歌.. 演唱會開始..以"I'll Be Loving You"作序幕..像要向歌迷表明心跡

當晚GiGi整體表現亦猶勝從前..部份歌曲編排亦見心思..特別演繹灰姑娘時..一面坐著打鼓一面唱..尤其高音部份混合鼓聲..效果出奇協調..不再像從前那般走鋼線..

由開場的白色天使造型..每套歌衫的設計都配合不同髮型..造型頗為講究..

是晚更有Sammi擔任表演嘉賓..真係乜都抵番哂..!

雖則說入座率不太理想..但整晚氣氛很好..嚟得嘅相信都係GIGI嘅FANS..最後更ENCORE了兩次..

整晚我最感動的一首歌就是"花火"..而且放在壓軸..相信GIGI唱嘅時候都很有感受.. 出到場館外面..仲有大班FANS..男男女女..都擠在海報旁影相..其中幾位男FANS更要爭相與GiGi海報獨照..猶如見到女神一様..睇佢地開心滿足嘅表現..都戥佢地開心..

希望將來會有更多香港 Gi 夜..

史上最強8.9級

沒想到北海道回來後..緊接著的都是關於日本..可惜卻是那可怕的史上最強8.9級大地震(11/3)..翌日經過書報灘..見到東方上面一幅照片..那個肆虐於港口邊巨大的漩渦..才讓我 "見證" 到海嘯的驚人氣勢..

而連日來都是有關地震..餘震..幅射..等報導..其中有關日本人的秩序井然..積極處變..身邊很多人都讚許..認為是一種很難得..值得我們反省學習的面對災難時的處變態度..若是在其他地方發生..相信情況可能更糟.. 就如一向自以為身驕玉貴的香港人..為了未來好一段日子可能無魚生刺身..無和牛..甚至無奶粉.供應..都可能會V嘩鬼叫..上街遊行..對比起日本人的積極堅毅..我地係咪都應該反省下..唔好乜都小題大造呢! 之但係人在江湖..咁啱個friend打嚟求救..我都要兩脇插刀..立刻飛的去幫佢撲奶粉..我立即上網查電話..連隨打電話向荷花查詢..打到第四間shop先有貨..D供應都好緊張..價錢尤如海鮮..信用咭折扣後都成$288一罐..Holy Smoke! 最後我都不辱使命..亦不得不承認..D父母真係好偉大(好緊張)啊!

北海道心靈の旅 (Part II)

北海道嘅白雪..總給人一種很舒服感覺..在Kiroro酒店白雪世界裡面..我們繼續沉迷在各項雪上活動.. 跟其他團友..一行廿幾人車隊..浩浩蕩蕩的出發..騎駛著雪上電單車..以山頂為目標..沿途白雪紛飛..看著一點點白雪打在頭盔..且越來越大雪..舉目四望..就衹有被白雪掩蓋了山頭..一排排舖了雪的樹林..我都要緊密跟隨著前面車隊..才得以辨認到該行駛的路..馳騁於雪山之上..面對著眼前白色大世界..就好像進入了另一度空間..

在Kiroro另一個重要活動..當然是滑雪..頭一小時一班團友跟隨著女教練學習基本技巧..由四時開始可以玩到晚上八時..去到滑雪場..己經開始黃昏..一遍金黃映照下景致迷人..

行程下半部到了小樽..大家都有一個指定動作..就是在小樽運河前留影..

雖然天氣徘徊在攝氏零度..隨處見到厚厚白雪..小樽一帶..亦有其歐陸一面..我們經過水晶音樂城..裡面有著各式各樣的音樂盒擺設..之後..又去到附近的LeTAO坐低嘆下咖啡同西餅..在周圍都舖滿雪嘅街道走著..好relax好hea..

嚟到日本.."食"亦係另種一心靈滿足..魚生飯..拉麵..和牛是不可缺的..

最後..當然會利用有限時間周圍shopping..遇到心頭好..價錢又勁減..當然絕不手軟..

北海道心靈の旅 (Part I)

農歷年之前一星期..剛完成了五天之旅..直至現在才可坐下好好整理一下感受..記得多年前第一次去日本跟團..當時並未有即時迷上..沒有想過..在剛剛一年之內可以到日本兩次..我想跟好多人一樣..感覺係仲未厭.. 今次去北海道跟團..起居飲食都有領隊安排..所以抱住hea下嘅心情..可能以前在美國冬天都有落雪..所以沿途再次見到滿地白雪都不會陌生..

尤其在酒店房間露台向外望..在夜間看雪..感覺好寧靜..

夜晚在酒店外園一路行..一路看見厚厚積雪..在街燈映照下好特別..令我想起以前讀書嘅campus..

Kiroro Piano酒店裝修都跟音樂有關..大堂天花吊飾..LIFT門以至牆紙都互相配合..很有心思..令人覺得好舒服..

晚飯後到酒店gift shop走走..回房間休息片刻..再步行去森林の湯..冰天雪地..攝氏零度以下..在露天溫泉浸浴..再加上夜晚從天而降..越落越密雪花..一邊談天說地..或是閉上眼去感受雪花不斷打在面上..感覺超正..真係可以洗滌心靈..可以話整個行程其中一個高潮位..

每晚沖完涼都會落樓下便利店..買一些特別飲品..希望飲完好瞓一D...

由於不能帶相機入溫泉浴..需引用部份網絡相片 つづく