2012年10月28日 星期日

mui music


十月份是梅姐的生日..亦不知由那時開始..每一年總會挑她的歌..整理到手機..重溫一下她的歌聲.. 今年是2012..十年前..亦即2002年..她正準備她的入行廿十週年的極夢幻演唱會..同年亦出版了她的紀念專輯WITH..一張個人認為十分難得亦極具收藏價值的專輯.. 難得在於那是收錄了跟當時梅姐跟十一位不同歌手合唱..亦是她在生時留給歌迷的最後創作..今年..也是WITH發行的十週年.. 不打算寫甚麼碟評..一來無資格..二來當年亦大把人寫了..我倒想寫寫對歌曲感受..


1. 芳華絕代 相信無需要多作介紹..音樂一起..已經氣勢蕩漾..一首舞台作品..Wyman嘅詞..梅姐+哥哥的聲線..合拍程度..真有點毛骨悚然.. 
2. 約會 那怕是情場老將..對每一個渴望愛情..渴望約會的人..每一次的赴會..心裡交戰都可以是那麼七零八落..成惶成恐.. 
3. 花生騷 兩把婉約獨立的聲音..像對大千色相的光影人生舞台..有所警惕..人尋求超脫..但可能同時又不斷被世俗洪流影響..要在當中尋回真我?! 
4. 相愛很難 這也是當年電影男人四十的主題曲..當年應該頗hit..聽落似合唱K歌格局..但當中歌詞描畫一段關係中..雙方的拉力..在接受禮待的同時可能先要付出..充分道出了經營一段感情關係之中的一點基礎.. 
5. 兩個女人 梅姐加憶蓮..好記得第一次聽完..已經好感動..兩把靚聲加深厚唱功感情..發揮得淋漓盡致.. 
6. 彈彈琴跳跳舞 是劉華的愛君如夢電影歌曲..探戈舞..從來都給人一種熱烈的心理感染..熱烈過後..一切都不曾擁有過..一切都互不相干..就像其中一句..一筆勾消拋諸腦後..記住鬆手...... 
7. 夏娃夏娃 像要歌頌女權..或有點想表達沒有男人..女人都可以活得好愛得真..久違了的梅式妖野演繹..很有特色.. 
8. 路人甲乙 跟譚校長清唱..聲線同情感回歸到好raw感覺..聞說歌詞是想表揚一班默默耕耘的龍虎武師和替身..歌詞頗特別.. 
9. 單身女人 跟sammi兩個天后..小女人式對唱..小品得來亦有自強意思..完全把單身人的洒脫表現..最後一句幾深刻..能換骨也識得脫胎..放下愛.. 
10. 兩粒糖 全碟較為少聽的一首(可能因為當時SO康嘅形象)..所謂愛之中..其實都需要一點糖份去滋潤生息..才可歷久常新.. 
11. 先慌夜談 這是碟內其中一首至愛..梅姐跟許志安的對唱不容置疑..兩顆切夜難眠的心..刻劃了都市當中的寂寥和若有所失..當年更是小弟跟朋友其中K歌熱選..哈哈.. * * * 
聽番D歌..一切就好像昨天..但同時又覺得..隻碟D歌都未曾out過 ......

4 則留言:

  1. 11年後聽依然夠潮,最愛仍是同明哥合唱嘅約會

    回覆刪除
    回覆
    1. 好多次都係諗起喱首歌而再loop番隻碟

      刪除
  2. 我喜歡'相愛很難'那份曾經滄海難為水的感覺,為何到最終由朋友變了敵人.

    回覆刪除
    回覆
    1. 首詞好有意思,有時時耐咗,人就覺得事情是理所當然

      刪除