打拳

下班後到Gym練習..今次主要練胸..重覆了幾組動作後..偶爾有兩個Trainer路過..留意到我的姿勢..他們就開始"主動"地糾正我..然後又開始對我的狀況作出分析..其後更帶我去到Boxing Area打拳..我當然一眼看出..這兩隻蛤蚧其實是嘗試sell我參加他們的練拳課程..不過從中亦算有點領會..首先..當我咁大個仔第一次帶上拳套..心中竟然有種興奮..他們更教了我一點基本出拳姿勢..從他們的分析..我亦了解到打拳可以幫助改善身體靈活性及柔軟度..時間可能比拉根更短..其次..我覺得打拳某程度上是一種更直接的發洩方式..一瞬間彷彿亦把我潛在的戰鬥力(或許是暴力)都宣洩了出來..有種前所未有的快感..亦由於要講求力度勁度..對操練muscle當然會有幫助..我試了一陣子亦覺得很爽很過癮.. 即使我已表示我在其他club已跟開教練..但兩隻蛤蚧..仍然你一言我一語的嘗試咬住不放(蛤蚧見到獵物時反應)..我亦衹有多謝他們好意..然後轉身鬆人..不過..今次亦啓發了我對打拳另一種體會..it's more physical and powerful ..但我而家兩隻手的手心仍然好酸軟..仲有D痺..oh no...! 我會上癮嗎?????

時間海

終於見到 Gigi 再出廣東碟..心中帶著期待..這兩天聽了大碟幾遍..頗喜歡她的 "時間海" ..其中兩句 "我曾經是一場沒終點的花火..但成長是如此深刻"..大概是陳少琪針對她而寫的..作為一起見証她這幾年高低起跌的一份子..我亦有一股莫名感觸.. 這多年來..自己都似是等待著該等待的一個未來..追求一個人的愛..渴望能繼續單純的像一朵雲..? 心中想追逐的..我能對自己坦白嗎?..而在時間海中..命運彷彿已悄然的經過窗外..人生的成長際遇..總叫人有點欷歔..能做到淡然回首..又是另一番滋味..另一種體驗..或許八味人生..是苦澀..是甘甜..每人都要自己品嚐吧.. "> 看日落　的沉默　對自己說 當時的夢想是什麼 我記得　日子裏　有點難過 但沒有　給生活淹沒 受過傷　流過淚　灌溉幸福花朵 因為珍惜所以體會快樂 我曾經　是一場沒終點的花火 但成長　是如此深刻 我等待　該等待一個未來 我追求一個人的愛 我渴望　能單純的像一朵雲彩 我的眼神　能對自己坦白 時間的海　讓我感覺自由自在 看命運經過我的窗外 當天空被雨水帶走色彩 我的笑證明至少還有愛 時間海　像我心一樣澎湃 我的笑證明　我跟生命相愛

痙攣

近幾次的操練pattern..都是每堂集中於一兩個部位..例如今晚就練背及手瓜..鬍鬚教練提示..練背脊基本動作都要注意挺胸收腹鎖背脊..膊頭避免縮起..前臂不要用力..向後拉時手臂成九十度..衹要留意番基本動作..注意肌肉感應..能夠將力度谷正舊muscle..加上來回愊度和節奏..用適當嘅weight去加強肌肉刺激.. 不過今堂練手臂刺激咗少少..弄致雙手現時無力彎曲..現在仲有D痙攣嘅感覺..真係大杯青檸溝可樂..

(網絡圖片)

自由式

(網絡圖片) 面對那悶熱的天氣..有如焗爐的溫度..今天終於下定決心落水..距離上次玩水..經已有太耐時間..每次落水多數用蛙式..由少至大這個本來就是得人應手的..但自由式相對較陌生..可能太耐沒練習..每次總好像有些心理關口似的..可能覺得救生員大哥會留意到我游得怪怪的(我可能真係諗多咗la..)不過猶豫了一會..我還是做了..一面游..腦海就一面記番以往教練的提示..手腳的互相協調..游了一會..感覺唔錯..下次應可以再放鬆D..用游水去練氣同體能..如果可以再曬黑D..咁就perfect啦..