2010年12月13日 星期一

搜蟲記

今天一大清早..八點幾就起來..同李伯一起啟程到上環去買蟲草..坐港鐵去到上環站A2出口嘅永樂街..由於李伯佢貴人善忘..好不容易才確定到間舖..同老闆寒暄咗幾句..就決定要買嘅貨色..接住落嚟重頭戲當然係討價還價啦..喱個咁富挑戰性嘅內力賽..當然由李伯上陣..至於我..就梗係負責找數.. 揀蟲草我就真係冇乜經驗..基本上梗係越大條就越好..價錢之餘..當然就係要搵幫襯過又信得過嘅商戶啦..據講..採集蟲草嘅時候..工人嘅工具有可能整斷咗D蟲草..佢地會趁D蟲草仲濕潤嘅時候..在中央用牙籤接駁..令一條條蟲草睇落完整D..老闆就好仔細心咁响其中有駁口嘅蟲草..將牙籤拔出.. 一般嚟講..燉蟲草前可先用溫水浸一陣..將浸軟咗嘅蟲草..加埋去咗骨嘅瘦肉或者係雞脾肉..可連同龍眼肉..南北杏..杞子..一齊放進沸水裡..再將燉盅用沙紙封口..燉大概三個鐘左右..老闆仲話要成條蟲草食埋..好滋陰咁話.. 至於蟲草嘅份量..一個人可以用十至十二條蟲草..四個人就可以用廿條左右..咁我諗蟲草嘅品質都好有關係.. 蟲草嘅食療價值可能好高..但對於我喱D門外漢..都係食番御藥堂嘅蟲草Cs-4算吧..

沒有留言:

張貼留言