第一次睇粵劇..可真大開眼戎..我對粵劇戲曲本來一無所知..抱著欣賞一種藝術心態..去到新光戲院..周圍經已放滿祝賀表演者的花牌..大堂亦巧妙的掛上了段段紅布條..劇名《花海紅樓》四字可謂呼之欲出..
番新後的新光..沒有預期的現代化或是金碧輝煌..卻保留了一種陳舊風味..一邊睇一邊讓我幻想自己在民初時代的戲棚..舞台兩旁安裝了字幕..可以一邊睇歌詞一邊理解劇情..這對於完全唔懂粵劇觀眾有好大幫助..
全劇分為七節..段落之間亦有大銀幕交待下一節劇情..而且好彩劇情算流暢..未有沉悶感覺..還付送精美場刊..
可能以前細個唔識..粵劇最大吸引之處..我認為是那細膩精煉的詞句..除了可令觀賞者投入故事之外..一套出色劇本身其實可以展現出相當的中國文學色彩..
睇過一次粵劇,頂唔住d唱功,閃咗人.
回覆刪除中途閃咗，咁應該幾難頂，希望張飛唔係太貴>_<
刪除聽粵曲真係要睇下唱咩曲…識的就會唔悶, 起碼可以跟住哼幾句, 但若果唔識的真會冇咩耐性聽~~
回覆刪除有時都見到巴士上有呢個粵曲廣告, 蓋鳴暉同米雪都值得睇!!!
想問: 米雪識唔識唱粵曲架?!!
除咗帝女花，我諗我無可能一路睇一路哼^_^
刪除對米雪有期待，但個人認為佢功架尚可，去到高音聲缐太簿，可能始終唔係紅褲子。
蓋嗚輝幾掂！
同你一樣嘞, 只係識哼最熟悉嗰幾句…極度有限公司呀!!!
刪除我認為只要米雪唔係幕後代唱, 觀眾都會體諒~~
哈哈, 搵得蓋鳴暉擔大旗, 應該掂啦!!
我好少聽戲曲，都係膽粗粗試下。人一世嗎！米雪應該係現場唱，粵劇唔應該幕後代唱，話哂觀眾買飛睇，佢唔係科班出身，相比汪阿姐，米雪係可以接受！相信佢名氣亦有幫助，至少吸引到我地留意。
刪除個舞台效果唔知特唔特別呢
回覆刪除以場地面積計，算幾好，但我諗雛鳯嗰D排場佈置應該會更grand
刪除這劇跟傳統的紅樓夢，該有很大分別吧！曾想過去看這戲，最終卻步是對編劇李居明和米雪仍欠信心！
回覆刪除李居明編的戲，我看了《蝶海情僧》，故事不錯，選曲與唱詞方面，可進步的空間仍多！
我覺得佢地想走少少新派，吾太傳統方式，編排上可以接受，但今次有場戲用咗許冠傑「春夢」套上新詞，肯試有誠意，但都有少少怪怪的，有卜友話3月尾寶珠同阿嗲再演戲，唔知喱個卡士會唔會俾你多D信心？
刪除寶珠同阿嗲的《再世紅梅記》，一月時已看了；三月重演也會再看，因為製作很好！
刪除如果《花海紅樓》重演，也會去欣賞一下他們的創新！
這個組合加上是任白戲寶，對戲迷應該好吸引，見到報道話演出好成功，仲有仙姐監場，演藝個場地係咪好長，我見最低票價二百！
刪除好像有十幾場，尾場是四月六日！
刪除Thanks. 可以諗下。
刪除對粤劇冇乜認知，較熟悉係任白戲寶帝女花，仙姐啲高音一聽難忘，勁
回覆刪除仙姐嘅腔同高音，簡直令人懾服。任白帝女花係我唯一有嘅CD。
刪除看過粵劇，可是不太懂欣賞呢。
回覆刪除我也只是跟家人抱開眼戎欣賞，始終是傳統藝術，又要理解歌詞，我冇洽眼瞓都覺得自己好叻
刪除睇過一次粵劇^^或許會上癮架 !?
回覆刪除Sky 勁力推介你去看寶珠同阿嗲的《再世紅梅記》!!
上次走雞了@今回買飛去睇吧~
多謝兄推介。聽講上次反應好好！
刪除小時不喜歡粵劇, 嫌其嘈吵. 但長大後發覺其實粵劇(上乘如唐滌生)的很富文學氣息, 甚為欣賞.
回覆刪除好認同！其實我以前就响一個同學借來一本我諗係帝女花精裝版劇冊，上面除咗歌詞仲有埋場口介紹，每段戲註腳，我第一次留意歌詞，真係有種目眩神迷，個劇本真係展示咗佢本身文學價值，我都仲keep住影印本
刪除