2014年2月17日 星期一

花海紅樓

第一次睇粵劇..可真大開眼戎..我對粵劇戲曲本來一無所知..抱著欣賞一種藝術心態..去到新光戲院..周圍經已放滿祝賀表演者的花牌..大堂亦巧妙的掛上了段段紅布條..劇名《花海紅樓》四字可謂呼之欲出..
番新後的新光..沒有預期的現代化或是金碧輝煌..卻保留了一種陳舊風味..一邊睇一邊讓我幻想自己在民初時代的戲棚..舞台兩旁安裝了字幕..可以一邊睇歌詞一邊理解劇情..這對於完全唔懂粵劇觀眾有好大幫助..
全劇分為七節..段落之間亦有大銀幕交待下一節劇情..而且好彩劇情算流暢..未有沉悶感覺..還付送精美場刊..
可能以前細個唔識..粵劇最大吸引之處..我認為是那細膩精煉的詞句..除了可令觀賞者投入故事之外..一套出色劇本身其實可以展現出相當的中國文學色彩..

22 則留言:

  1. 睇過一次粵劇,頂唔住d唱功,閃咗人.

    回覆刪除
    回覆
    1. 中途閃咗,咁應該幾難頂,希望張飛唔係太貴>_<

      刪除
  2. 聽粵曲真係要睇下唱咩曲…識的就會唔悶, 起碼可以跟住哼幾句, 但若果唔識的真會冇咩耐性聽~~
    有時都見到巴士上有呢個粵曲廣告, 蓋鳴暉同米雪都值得睇!!!
    想問: 米雪識唔識唱粵曲架?!!

    回覆刪除
    回覆
    1. 除咗帝女花,我諗我無可能一路睇一路哼^_^
      對米雪有期待,但個人認為佢功架尚可,去到高音聲缐太簿,可能始終唔係紅褲子。
      蓋嗚輝幾掂!

      刪除
    2. 同你一樣嘞, 只係識哼最熟悉嗰幾句…極度有限公司呀!!!
      我認為只要米雪唔係幕後代唱, 觀眾都會體諒~~
      哈哈, 搵得蓋鳴暉擔大旗, 應該掂啦!!

      刪除
    3. 我好少聽戲曲,都係膽粗粗試下。人一世嗎!米雪應該係現場唱,粵劇唔應該幕後代唱,話哂觀眾買飛睇,佢唔係科班出身,相比汪阿姐,米雪係可以接受!相信佢名氣亦有幫助,至少吸引到我地留意。

      刪除
  3. 個舞台效果唔知特唔特別呢

    回覆刪除
    回覆
    1. 以場地面積計,算幾好,但我諗雛鳯嗰D排場佈置應該會更grand

      刪除
  4. 這劇跟傳統的紅樓夢,該有很大分別吧!曾想過去看這戲,最終卻步是對編劇李居明和米雪仍欠信心!
    李居明編的戲,我看了《蝶海情僧》,故事不錯,選曲與唱詞方面,可進步的空間仍多!

    回覆刪除
    回覆
    1. 我覺得佢地想走少少新派,吾太傳統方式,編排上可以接受,但今次有場戲用咗許冠傑「春夢」套上新詞,肯試有誠意,但都有少少怪怪的,有卜友話3月尾寶珠同阿嗲再演戲,唔知喱個卡士會唔會俾你多D信心?

      刪除
    2. 寶珠同阿嗲的《再世紅梅記》,一月時已看了;三月重演也會再看,因為製作很好!
      如果《花海紅樓》重演,也會去欣賞一下他們的創新!

      刪除
    3. 這個組合加上是任白戲寶,對戲迷應該好吸引,見到報道話演出好成功,仲有仙姐監場,演藝個場地係咪好長,我見最低票價二百!

      刪除
    4. 好像有十幾場,尾場是四月六日!

      刪除
  5. 對粤劇冇乜認知,較熟悉係任白戲寶帝女花,仙姐啲高音一聽難忘,勁

    回覆刪除
    回覆
    1. 仙姐嘅腔同高音,簡直令人懾服。任白帝女花係我唯一有嘅CD。

      刪除
  6. 看過粵劇,可是不太懂欣賞呢。

    回覆刪除
    回覆
    1. 我也只是跟家人抱開眼戎欣賞,始終是傳統藝術,又要理解歌詞,我冇洽眼瞓都覺得自己好叻

      刪除
  7. 睇過一次粵劇^^或許會上癮架 !?
    Sky 勁力推介你去看寶珠同阿嗲的《再世紅梅記》!!
    上次走雞了@今回買飛去睇吧~

    回覆刪除
  8. 小時不喜歡粵劇, 嫌其嘈吵. 但長大後發覺其實粵劇(上乘如唐滌生)的很富文學氣息, 甚為欣賞.

    回覆刪除
    回覆
    1. 好認同!其實我以前就响一個同學借來一本我諗係帝女花精裝版劇冊,上面除咗歌詞仲有埋場口介紹,每段戲註腳,我第一次留意歌詞,真係有種目眩神迷,個劇本真係展示咗佢本身文學價值,我都仲keep住影印本

      刪除