空氣中的自由

食完晚飯再食過糖水之後..偶爾在街上繼續流連..走到行人專用區..隨隨己聽到一闕熟悉的歌..視線望過去只見一班知音人正圍觀著一個抱著電結他的阿叔..唱著John Lennon 嘅 Imagine.. 阿叔嘅演繹亦絕對交到貨..長音尾音幾有feel..

"... you may say I'm a dreamer, but I'm not the only one I hope some day you'll join us And the world will live as one..."

彈電結他豈是年青人尊利..阿叔以前也可能是個熱血band友..那刻歌手也正好凝聚了一班聽眾..儘管只是短短數分鐘..

再行過另一邊..傳來了Beyond 嘅 光輝歲月..

"..迎接光輝歲月 風雨中抱緊自由 一生經過傍徨的掙扎 自信可改變未來 問誰又能做到.."

可能Beyond較為近..加上中文歌..容易引起共鳴..所以圍觀的人更多..

一個本來煩囂嘅晚上..感謝每一位街頭文化表演者..及每一位駐足並給予掌聲支持的有心人..奇妙的音樂加整個畫面亦令心情頓時變得開懷舒暢..